ఎంత బాగుండు

మండుటెండల్లో మలయమారుతం
పిండి వెన్నెల్లో పారిజాత పుష్ప పరిమళం
మసక చీకట్లో ముగ్ద మనోహర సుదతి ముఖ బింబం
సంధ్య కాలంలో గోధూళి రేగిన భానుని తిరోగమనం(ఎంత బాగుండు)
----
ఎంత బాగుండు
పుల్లలు, ఆకులతో గూడల్లుకుంటున్న పిచ్చుకల ద్వయం
ప్రాత:కాలంలో గుడి వినిపించే సుప్రభాతం
అలికిడి విన్నంతనే అమ్మను హత్తుకునే చిరు ప్రాయం
మోడువారిని చోటనే మొలుచుకొస్తున్న చిగురాటుకుల పచ్చదనం (ఎంత బాగుండు)
----
ఎంత బాగుండు
వనమో కవనమో తెలియని కవితా పూదోటలో విరిసిన నవ హృదయం
నేల రాలిన మామిడి పిందె చిగురు వగురు తీపిదనం
వడగాడ్పుల్లో తాటి ముంజెల చల్లదనం
చిరు చినుకుల తాకిడికి విచ్చుకున్న మట్టి పరిమళం (ఎంత బాగుండు)