1995, జూన్ 15... నేనూ.. ప్రకాశం జిల్లాలో విజన్టెక్ ఎస్టీడీ కంప్యూటర్ల వ్యాపారం మొదలుపెట్టి అప్పటికి ఎనిమిది నెలలైంది. పనిమీద ఆ రోజు చీరాల వెళ్ళాను. పది రూపాయలకే జీడిపప్పు ఉప్మా పెట్టే కాకా హోటల్లో ఉప్మా తినేసి బైటకు వచ్చి చూస్తే ఎదురుగా కనిపిస్తున్న హాలు ముందు విపరీతంగా జనం. అందులో పెదరాయుడు సినిమా ఆ రోజే రిలీజైంది. అదే రోజు బిగ్ బాస్ సినిమా కూడా వచ్చింది.
అప్పటికే బిగ్ బాస్ సినిమా మీద సెటైర్లు. బిగ్ బాస్ బిగ్ లాస్ అనే కామెంట్లు. కానీ ఎంతైనా సుప్రీం హీరో కదా. పైగా గ్యాంగ్ లీడర్ రేంజ్లో ఊహించేసుకోని అడ్వాన్స్ బుకింగ్ చేసుకున్నాము. ఒంగోల్లో అతి పెద్ద సత్యం హాల్లో కుటుంబ సమేతంగా బిగ్ బాస్ చూశాను. ఏందిరా బాబూ ఇలా తీశారు సినిమా అనుకుంటూ బైటకు వచ్చాము. అప్పట్లో సినిమా హాళ్లలో మధ్యలో ఏసీ ఆపేస్తుండేవారు. దాని ఎఫెక్టో లేక సినిమా ఎఫెక్టో అందరి ముఖాలు కళ తప్పి జిడ్డు పట్టి ఉన్నాయి. ఆ దెబ్బకు నేనైతే పెదరాయుడ్ని అస్సలు పట్టించుకోలేదు.
ఆ తర్వాత కొంతకాలానికి బిజినెస్ పనిమీద హైదరాబాద్ వచ్చాను. తెలిసినవాళ్లందరూ చూడరా.. చూడరా అంటే అతి కష్టమ్మీద నారాయణగూడలో అతి పెద్ద శాంతి హాల్లో పెదరాయుడు సినిమా చూశాను. పడిశం పట్టినవాడికి అమృంతాజనం ఆవిరిపడితే కఫం ఎలా బైటకు వస్తుందో.. అలా పెదరాయుడు పుణ్యామాని బిగ్ బాస్ ఎఫెక్ట్ నుంచి బైట పడ్డాను.
పాతికేళ్ళ క్రితం పట్టిన పడిశం మీడియాకు ఇంకా వదిలినట్టు లేదు. అందుకే ఎక్కడా బిగ్బాస్ మాటే లేదు. నిఝంగా నొప్పిస్తే.. చిరంజీవి అభిమానులు మన్నించాలి.
బిగ్ బాస్ అసలైన బాధితుడు ఎవరంటే?
బిగ్ బాస్ సినిమా ఫెయిల్యూర్కు నిజమైన బాధితుడు ఎవరంటే.. ఎం సంజీవి. ఈ పేరు చాలా మందికి తెలియకపోవచ్చు. సినిమా రైటర్స్ సత్యమూర్తి, దివాకర్ బాబు లాంటి వాళ్లతో పాటుగా ఇండస్ట్రీకి వచ్చారు.
ఆయన చాలా సినిమాలకు ఘోస్ట్ రైటర్గా పని చేశారు. ముఖ్యంగా విజయబాపినీడు తీసిన సినిమాలకు, ఈతరం పిక్చర్స్ బ్యానర్పై వచ్చిన సినిమాలకు సంబంధించిన కథ, స్క్రీన్ప్లే, మాటలు అందించే విషయంలో కీలక పాత్ర పోషించడంతో పాటు చిన్న చిన్న క్యారెక్టర్లు కూడా వేశారు. అప్పట్లో చిరంజీవి పేరుతో విజయబాపినీడు తీసుకొచ్చిన మ్యాగజైన్కు వెన్నెముకగా నిలిచారు ఎం.సంజీవి.
అలా కిందా మీదా పడి పడీ, ఎన్నో సినిమాలకు తెరవెనుక పనిచేసి చాలా కాలం తర్వాత మొట్టమొదటిసారిగా బిగ్ బాస్ సినిమా టైటిల్స్లో "మాటలు ఎం సంజీవి" అనే పేరు దక్కించుకున్నారు. కానీ సినిమా బాక్సాఫీసు దగ్గర ఘోరంగా దెబ్బతినడంతో సంజీవి తెరమరుగైపోయారు. సోషల్ మీడియాలోనూ కానరాకుండా పోయారు.
సెంటిమెంట్లకు పెద్ద పీట వేసే సినిమా ఫీల్డులో పెద్ద హీరో సినిమా ఆడకపోతే.. సంజీవి లాంటి వారే కాదు బాటమ్లో ఉండే క్లాప్ బాయ్ నుంచి టాప్లో ఉండే డైరెక్టర్ దాకా ఎంతటివారైనా సరే గల్లంతైపోతారు.
--- మహేష్ ధూళిపాళ్ళ
అప్పటికే బిగ్ బాస్ సినిమా మీద సెటైర్లు. బిగ్ బాస్ బిగ్ లాస్ అనే కామెంట్లు. కానీ ఎంతైనా సుప్రీం హీరో కదా. పైగా గ్యాంగ్ లీడర్ రేంజ్లో ఊహించేసుకోని అడ్వాన్స్ బుకింగ్ చేసుకున్నాము. ఒంగోల్లో అతి పెద్ద సత్యం హాల్లో కుటుంబ సమేతంగా బిగ్ బాస్ చూశాను. ఏందిరా బాబూ ఇలా తీశారు సినిమా అనుకుంటూ బైటకు వచ్చాము. అప్పట్లో సినిమా హాళ్లలో మధ్యలో ఏసీ ఆపేస్తుండేవారు. దాని ఎఫెక్టో లేక సినిమా ఎఫెక్టో అందరి ముఖాలు కళ తప్పి జిడ్డు పట్టి ఉన్నాయి. ఆ దెబ్బకు నేనైతే పెదరాయుడ్ని అస్సలు పట్టించుకోలేదు.
ఆ తర్వాత కొంతకాలానికి బిజినెస్ పనిమీద హైదరాబాద్ వచ్చాను. తెలిసినవాళ్లందరూ చూడరా.. చూడరా అంటే అతి కష్టమ్మీద నారాయణగూడలో అతి పెద్ద శాంతి హాల్లో పెదరాయుడు సినిమా చూశాను. పడిశం పట్టినవాడికి అమృంతాజనం ఆవిరిపడితే కఫం ఎలా బైటకు వస్తుందో.. అలా పెదరాయుడు పుణ్యామాని బిగ్ బాస్ ఎఫెక్ట్ నుంచి బైట పడ్డాను.
పాతికేళ్ళ క్రితం పట్టిన పడిశం మీడియాకు ఇంకా వదిలినట్టు లేదు. అందుకే ఎక్కడా బిగ్బాస్ మాటే లేదు. నిఝంగా నొప్పిస్తే.. చిరంజీవి అభిమానులు మన్నించాలి.
బిగ్ బాస్ అసలైన బాధితుడు ఎవరంటే?
బిగ్ బాస్ సినిమా ఫెయిల్యూర్కు నిజమైన బాధితుడు ఎవరంటే.. ఎం సంజీవి. ఈ పేరు చాలా మందికి తెలియకపోవచ్చు. సినిమా రైటర్స్ సత్యమూర్తి, దివాకర్ బాబు లాంటి వాళ్లతో పాటుగా ఇండస్ట్రీకి వచ్చారు.
ఆయన చాలా సినిమాలకు ఘోస్ట్ రైటర్గా పని చేశారు. ముఖ్యంగా విజయబాపినీడు తీసిన సినిమాలకు, ఈతరం పిక్చర్స్ బ్యానర్పై వచ్చిన సినిమాలకు సంబంధించిన కథ, స్క్రీన్ప్లే, మాటలు అందించే విషయంలో కీలక పాత్ర పోషించడంతో పాటు చిన్న చిన్న క్యారెక్టర్లు కూడా వేశారు. అప్పట్లో చిరంజీవి పేరుతో విజయబాపినీడు తీసుకొచ్చిన మ్యాగజైన్కు వెన్నెముకగా నిలిచారు ఎం.సంజీవి.
అలా కిందా మీదా పడి పడీ, ఎన్నో సినిమాలకు తెరవెనుక పనిచేసి చాలా కాలం తర్వాత మొట్టమొదటిసారిగా బిగ్ బాస్ సినిమా టైటిల్స్లో "మాటలు ఎం సంజీవి" అనే పేరు దక్కించుకున్నారు. కానీ సినిమా బాక్సాఫీసు దగ్గర ఘోరంగా దెబ్బతినడంతో సంజీవి తెరమరుగైపోయారు. సోషల్ మీడియాలోనూ కానరాకుండా పోయారు.
సెంటిమెంట్లకు పెద్ద పీట వేసే సినిమా ఫీల్డులో పెద్ద హీరో సినిమా ఆడకపోతే.. సంజీవి లాంటి వారే కాదు బాటమ్లో ఉండే క్లాప్ బాయ్ నుంచి టాప్లో ఉండే డైరెక్టర్ దాకా ఎంతటివారైనా సరే గల్లంతైపోతారు.
--- మహేష్ ధూళిపాళ్ళ
No comments:
Post a Comment